• Əlilliyi olan şəxslərə sosial dəstək İB
Bakıda masaj üzrə 2-ci milli və 8-ci Avrasiya çempionatı keçirildi
09 fevral, 16:23
207

7-9 fevral 2025-ci il tarixlərində Bakıda masaj üzrə 2-ci milli və 8-ci Avrasiya çempionatı baş tutub. Çempionatda 8 ölkədən 130 iştirakçı öz güclərini sınayıb. İştirakçılar arasında müxtəlif nominasiyalar üzrə qaliblər müəyyənləşib. Həmçinin, çempionata xarici ölkələrdən dəvət olunan 16 hakim və 12 yerli hakim də iştirak edib. Çempionat Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2023-cü ildə maliyyələşdirdiyi və "Əlilliyi olan şəxslərə sosial dəstək" İctimai Birliyi tərəfindən Bakı Masaj Məktəbində icra olunmuş "Serebral iflicdən əziyyət çəkən uşaqların valideynlərinə müalicəvi masajın öyrədilməsi" layihəsində iştirak etmiş analardan 8 nəfərinin "Xeyirxah əllər" nominasiyasında iştirakı ilə diqqət çəkib. Azərbaycan, Türkiyə, Rusiya, Gürcüstan, Yaponiya, Maldova və Kosta-Rika hakimləri, ilk dəfə olaraq çempionatda həssas qrupdan olan uşaqların analarının iştirakını heyranlıqla izləyərək alqışlayıblar və gələcəkdə bu ənənənin davam etməsini tövsiyə ediblər. Çempionatın sonunda iştirakçı analara sertifikat və hədiyyələr təqdim edilib.