28 noyabr 2024-cü il tarixində "Əlilliyi olan şəxslərə sosial dəstək" ictimai birliyi Hilton Baku oteli ilə birlikdə 3 dekabr "Beynəlxalq əlillər günü"nə həsr olunmuş tədbir təşkil edib. Tədbirdə fiziki məhdudiyyətli gənclər üçün intellektual yarış təşkil olunub. Yarış iki mərhələdən ibarət olub və iştirakçılara müxtəlif səpkili 30 sual verilib. Birinci mərhələdə ən çox bal toplayan iki qrup ikinci tura keçib və onlar ilə yarış davam edib. Qalib olan qruplar dəyərləndirilib. Yarış çox maraqlı keçib. Sonda Hilton Baku oteli tərəfindən iştirakçılara hədiyyələr və sertifikat təqdim olunub.
Tədbirdə ADMİU-nin sosial iş fakültəsinin tələbələri könüllü olaraq dəstək olmuşlar.
Gələcəkdə də əlilliyi olan gənclərin cəmiyyətə inteqrasiyasına və coşqun həyata qoşulmasına dair Hilton Baku oteli ilə “Əlilliyi olan şəxslərə sosial dəstək” ictimai birliyi arasında bu əməkdaşlığın davam edəcəyi gözlənilir.
