Əlilliyi olan şəxslərin mədəni istirahəti təşkil olunur.

"Əlilliyi olan şəxslərə sosial dəstək"İctimai Birliyinin  təşəbbüsü ilə artıq  uzun illərdir əlilliyi olan şəxslərin mədəniyyət ocaqlarında istirahəti təşkil olunur.  Carona virus pandemiyası ilə əlaqədar bu tədbirlər iki ilə yaxın  bir müddətdə dayanmışdı. Artıq bir neçə aydır əlilliyi olan insanlar  öz asudə vaxtlarını maraqlı və yaddaqalan edə bilirlər. Son bir neçə ayda üzvlərimiz Azərbaycan Dövlət Akademik  Milli Dram Teatrı, Azərbaycan Dövlət  Akademik Musiqili Teatrı və YUĞ Teatrında 30-a yaxın tamaşaya dəvət almışlar. Əlilliyi olan şəxslərə diqqət ayıraraq onların mədəni istirahətinin təşkilində, asudə vaxtın maraqlı keçməsində və cəmiyyətə inteqrasiyasına  dəstək olduqları üçün Azərbaycan Dövlət Akademik  Milli Dram Teatrı, Azərbaycan Dövlət  Akademik Musiqili Teatrı və YUĞ Teatrının rəhbərliyinə öz dərin təşəkkürümüzü bildiririk.